سینیٹ آف پاکستان نے پہلگام حملے کے تناظر میں بھارت کی جانب سے پاکستان پر عائد کیے گئے بے بنیاد الزامات اور سندھ طاس معاہدے کی یکطرفہ معطلی جیسے جارحانہ اقدامات کے خلاف متفقہ قرارداد منظور کر لی ہے۔
نائب وزیراعظم اسحاق ڈار نے سینیٹ اجلاس میں متفقہ قرارداد تیار کر کے پورےہاؤس کی طرف سےپیش کی جسے منظور کرلیا گیا۔
قرارداد کے مطابق بھارت کی جانب سے پاکستان پر بے بنیاد الزامات مسترد کرتے ہیں، پاکستان ہر قسم کی دہشت گردی کی مذمت کرتا ہے، پہلگام حملے کو پاکستان سے جوڑنے کی مذمت کرتے ہیں، بھارت کی طرف سے کسی بھی مہم جوئی کابھرپورجواب دیا جائےگا، پاکستان کی سلامتی پر کوئی سمجھوتہ نہیں کیا جائےگا۔
نائب وزیراعظم نے قراردار سے قبل سینیٹ اجلاس میں اظہارخیال کرتے ہوئے کہا کہ قوم نےہمیشہ ہرمشکل وقت میں ساتھ دیا ہے، پہلگام واقعہ پرپاکستان کوموردالزام ٹھہراناافسوسناک ہے۔
اسحاق ڈار نے کہا کہ پہلگام واقعہ ہواتو اس وقت وزیراعظم انقرہ میں تھےمیں بھی ساتھ تھا، تاہم میں وزارت خارجہ سے رابطےمیں تھا، جبکہ نریندرمودی سعودی عرب کے دورے سے واپس بھارت پہنچے، اور میٹنگ کال کی، اس کے بعدعجیب قسم کے اقدامات کیے گئے۔
نائب وزیراعظم کا یہ بھی کہنا تھا کہ پاکستان کیخلاف اقدامات کامطلب ہےبھارت پاکستان پرالزام لگارہا ہے، ہم نے اگلےدن قومی سلامتی کمیٹی کااجلاس طلب کیا، جبکہ بھارت نے حملے کو جواز بناکر انڈس واٹرٹی ٹی کےتحت سندھ طاس معاہدہ معطل کردیا۔
اسحاق ڈار نے کہا کہ ٹی ٹی میں لکھا ہےاگرمعاہدہ ختم کرنا ہے تواتفاق رائےسےہوگا، 2,3سال سےبھارت کی طرف سے ٹی ٹی پرخط و کتابت ہورہی ہے، بھارت نےیکطرفہ طورپرسندھ طاس معاہدہ معطل کیا ہے، اب تو کہاجاتا ہے دنیا میں اگلی جنگیں پانی پرہی ہوں گی۔
نائب وزیراعظم نے یہ بھی کہا کہ پانی پاکستان کے24کروڑ عوام کی لائف لائن ہے، یہ ایسی ٹی ٹی ہےجس کیلئے پاکستان نےاپنےدودریا چھوڑدیئے، ہم بھارت کی طرف سےسندھ طاس معاہدےکی معطلی کوجنگ سمجھتےہیں،قومی سلامتی کمیٹی نےکہا کسی قیمت پرپانی کابندکرناقابل قبول نہیں ہے۔
اسحاق ڈار کا کہنا تھا کہ پانی کابندکرناایک جنگ کی طرح ہےہم اسی طرح لے رہے ہیں، ہم نےفیصلہ کیاکہ ہم بھی شملہ ودیگرمعاہدے معطل کریں گے، بھارت نےاٹاری بندکیا ہم نےواہگہ بارڈربند کرنے کا فیصلہ کیا، جولوگ بھارت سےپاکستان آئےہوئےہیں وہ30اپریل تک واپس چلےجائیں، سارک ویزاکےتحت تمام ویزےمعطل کردیئےگئے ہیں، جبکہ سکھ یاتری اگرآناچاہیں توانہیں نہیں روکاجائےگا.
نائب وزیراعظم نے کہا کہ پاکستان نےبھارت کیلئے اپنی فضائی حدود بند کردی ہے، پاکستان کے ذریعے تیسرے ملک کیلئےبھارت کی تجارت بھی معطل کردی گئی ہے، بھارتی دفاعی اورایئرایڈوائزر کوناپسندیدہ شخصیات قراردے کرپاکستان چھوڑنےکاکہا ہے، بھارت ہمارےہائی کمیشن عملےکی تعداد30پرلایاہم نےبھی30کردی ہے۔
نائب وزیراعظم نے مزید یہ بھی کہا کہ لیڈرآف اپوزیشن نے ہمارے ڈرافٹ کو کھلےدل سے تسلیم کیا، ڈپلومیٹک موؤمنٹ جاری ہیں 26 ممالک کو فارن سیکٹریٹری نے بریفنگ دی ہے، قومی سلامتی کمیٹی کے فیصلے کے مطابق پریس بریفنگ بھی کی ہے، اللہ نے پاکستان کو ایٹمی قوت بنایا ہے،ہم تیار ہیں۔
