پاکستان ریلوے نے ایک بار پھر مسافر ٹرینوں کے کرایوں میں اضافہ کر دیا ہے، جس کا باضابطہ نوٹیفکیشن بھی جاری کر دیا گیا ہے۔
جاری کردہ اعلامیے کے مطابق تمام مسافر ٹرینوں کی اکانومی، اے سی اسٹینڈرڈ، اے سی بزنس، اے سی پارلر اور اے سی سلیپر کلاسز کے کرایوں میں ایک فیصد اضافہ کیا گیا ہے۔
نوٹیفکیشن کے مطابق میل، ایکسپریس اور انٹرسٹی ٹرینوں کے کرایوں میں بھی اضافہ شامل ہے، جبکہ یہ اضافہ پبلک پرائیویٹ پارٹنرشپ کے تحت چلنے والی تمام ٹرینوں پر بھی لاگو ہوگا۔
کرایوں میں اضافے کا اطلاق جمعہ 19 جولائی سے ہوگا، اور اس سلسلے میں تمام ڈویژنل سپرنٹنڈنٹس کو ہدایت جاری کر دی گئی ہے کہ وہ اپنے اپنے فیئر ٹیبلز کو فوری طور پر اپ ڈیٹ کریں۔
