وفاقی دارالحکومت اسلام آباد اور پنجاب اور خیبر پختونخوا کے مختلف شہروں میں زلزلے کے جھٹکے محسوس کیے گئے۔
زلزلے کے جھٹکوں کے باعث شہری خوف و ہراس کے عالم میں گھروں، دفاتر اور عمارتوں سے باہر نکل آئے اور کلمہ طیبہ کا ورد کرتے دکھائی دیے۔
زلزلے کے جھٹکے لاہور، اسلام آباد، راولپنڈی، پشاور، مری، سوات، سرگودھا، ایبٹ آباد اور جنڈیالہ شیر خان سمیت کئی شہروں میں محسوس کیے گئے۔ زلزلے کی شدت اور مرکز کے بارے میں معلوم کیا جا رہا ہے، تاہم ابتدائی اطلاعات کے مطابق جھٹکے خاصے شدید نوعیت کے تھے۔
زلزلے کے بعد ملک بھر میں ریسکیو اداروں اور اسپتالوں کو فوری طور پر الرٹ کر دیا گیا ہے، تاکہ کسی بھی ہنگامی صورتحال سے نمٹا جا سکے۔ اس وقت تک کسی قسم کے جانی یا مالی نقصان کی اطلاع موصول نہیں ہوئی، تاہم حکام کا کہنا ہے کہ ممکنہ نقصانات کا جائزہ لینے کیلئے سروے جاری ہے۔
زلزلے کے جھٹکوں کے دوران متعدد مقامات پر لوگ کھلے میدانوں میں جمع ہو گئے، جبکہ بعض علاقوں میں موبائل نیٹ ورکس میں عارضی خلل بھی دیکھنے میں آیا۔
