اشتہار
امیر جماعت اسلامی کراچی حافظ نعیم نے کہا ہے کہ سابق وزیراعظم نواز شریف نے اسرائیلی جارحیت پر کوئی مذمتی بیان نہیں دیا۔
کراچی میں میڈیا سے گفتگو کرتے ہوئے انہوں نے کہا کہ غزہ پر اسرائیلی جارحیت کا سلسلہ جاری ہے۔ اسرائیل حماس سے شکست کا بدلہ فلسطینیوں سے لے رہا ہے، اسرائیل کی انٹیلی جنس فیل ہوگئی وہ حماس سے نہیں لڑسکتے۔
حافظ نعیم کا کہنا تھا کہ پوری دنیا تقسیم ہے، امریکا کو بھی اس تقسیم کا سامنا کرنا پڑ رہا ہے۔ فلسطین میں مسلسل بمباری ہو رہی ہے غزہ میں شہید ہونے والوں میں زیادہ تعداد بچوں کی ہے۔
