پارلیمنٹ سے منظور شدہ فنانس بل 2025 میں ایک اہم تبدیلی کرتے ہوئے بیرونِ ملک سے ڈیجیٹل ذرائع سے آرڈ کی گئی اشیاء اور خدمات پر عائد 5 فیصد ٹیکس کو ختم کر دیا گیا ہے۔ اس فیصلے سے بین الاقوامی ہائی ٹیک کمپنیوں کو خاص طور پر فائدہ پہنچے گا۔
ایف بی آر کی جانب سے جاری کردہ نوٹیفکیشن کے مطابق، غیر ملکی ڈیجیٹل مصنوعات پر عائد یہ ٹیکس اب لاگو نہیں ہوگا۔ اس اقدام سے گوگل، ٹیمو اور دیگر امریکی و چینی ہائی ٹیک کمپنیاں براہِ راست مستفید ہوں گی۔
ایف بی آر کا کہنا ہے کہ یہ ٹیکس چھوٹ کابینہ کی منظوری کے بعد واپس لی گئی ہے، اور اس کا اطلاق یکم جولائی 2025 سے ہوگا۔ یاد رہے کہ ایف بی آر نے اس ڈیجیٹل ٹیکس سے تقریباً 40 ارب روپے کی آمدن کا تخمینہ لگایا تھا۔
اس کے علاوہ، امریکی چیمبر آف کامرس نے بھی اس ٹیکس پر تحفظات کا اظہار کیا تھا، جسے مدنظر رکھتے ہوئے یہ فیصلہ کیا گیا ہے کہ اب بیرونِ ملک سے ڈیجیٹل آرڈر کی گئی اشیاء اور خدمات پر کوئی ٹیکس لاگو نہیں ہوگا۔
