اسلام آباد: صدر مملکت آصف علی زرداری آئندہ ماہ کے آغاز میں قطر کا اہم دورہ کریں گے، جس دوران وہ عالمی سطح پر سماجی ترقی سے متعلق ایک بڑی کانفرنس میں شرکت کریں گے۔
صدر زرداری 4 سے 6 نومبر تک دوحہ میں ہونے والی دوسری عالمی سماجی ترقی کانفرنس میں شریک ہوں گے، جو 1995 میں کوپن ہیگن میں منعقدہ پہلے اجلاس کے تسلسل کا حصہ ہے۔ اس کانفرنس میں دنیا بھر کے اہم رہنما شریک ہوں گے۔
دورے کے دوران صدر آصف علی زرداری امیرِ قطر شیخ تمیم بن حمد الثانی سے ملاقات کریں گے، اس کے علاوہ وہ دیگر عالمی رہنماؤں اور اقوام متحدہ کے سیکرٹری جنرل انتونیو گوتریس سے بھی تبادلہ خیال کریں گے۔ اس ملاقات کا مقصد باہمی تعلقات کو مضبوط بنانا اور سماجی ترقی کے عالمی ایجنڈے کو آگے بڑھانا ہے۔
