سپریم کورٹ آف پاکستان نے آئندہ ہفتے کی عدالتی کارروائیوں کے لیے پانچ بینچز تشکیل دے دیے ہیں، جن میں سے چار بینچ اسلام آباد میں جبکہ ایک بینچ لاہور رجسٹری میں مقدمات کی سماعت کرے گا۔
بینچ ون چیف جسٹس یحییٰ آفریدی کی سربراہی میں جسٹس میاں گل حسن اورنگزیب پر مشتمل ہوگا۔ بینچ ٹو میں جسٹس منیب اختر اور جسٹس عقیل احمد عباسی شامل ہوں گے۔
بینچ تھری کی تشکیل جسٹس محمد علی مظہر، جسٹس حسن اظہر رضوی اور جسٹس مسرت ہلالی پر مشتمل ہے۔ اسی طرح بینچ چار میں جسٹس اطہر من اللہ، جسٹس عرفان سعادت اور جسٹس ملک شہزاد احمد خان شامل کیے گئے ہیں۔
لاہور رجسٹری میں قائم بینچ جسٹس امین الدین خان، جسٹس شاہد بلال حسن اور جسٹس عامر فاروق پر مشتمل ہوگا، جو لاہور میں مقدمات کی سماعت کرے گا۔
