پرتگال سے تعلق رکھنے معروف فٹبال کھلاڑی کرسٹیانو رونالڈو کا سعودی کلب النصر سے نئے معاہدے کا اعلان آج ہوگا۔
غیر ملکی میڈیا رپورٹس کے مطابق، سعودی کلب ’النصر‘ سے نئے معاہدے کے بعد 39 سالہ رونالڈو دنیائے فٹبال کے سب سے زیادہ معاوضے لینے والے کھلاڑی بن جائیں گے۔
متوقع طور پر طے پانے والے نئے معاہدے کے مطابق، وہ روزانہ 5 لاکھ 50 ہزار یورو (تقریباً 16 کروڑ پاکستانی روپے) معاوضہ لیں گے۔
رپورٹس کے مطابق، وہ النصر کلب سے سالانہ 183 ملین یورو تنخواہ لیں گے جس کی مالیت پاکستانی کرنسی میں 52 ارب روپے سے زائد بنتی ہے۔
نئتے معاہدے کے بعد رونالڈو کی ماہانہ آمدنی 15 ملین یورو (4.3 ارب پاکستانی روپے) اور ہفتہ وار آمدنی 3.8 ملین یورو (تقریباً ایک ارب 10 کروڑ پاکستانی روپے) ہوگی۔
رپورٹس کے مطابق، رونالڈو کو النصر کلب میں پارٹنر شپ کی بھی پیشکش کی گئی ہے۔