پاکستان، افغانستان اور متحدہ عرب امارات (یو اے ای) کے درمیان تین ملکی ٹی ٹوئنٹی سیریز کا باضابطہ شیڈول جاری کر دیا گیا ہے۔ یہ سہ فریقی ٹورنامنٹ 29 اگست سے 7 ستمبر تک شارجہ کے تاریخی کرکٹ اسٹیڈیم میں کھیلا جائے گا۔
سیریز کا افتتاحی میچ 29 اگست کو پاکستان اور افغانستان کے درمیان ہو گا، جو ہمیشہ کی طرح ایک سنسنی خیز مقابلہ ثابت ہونے کی توقع ہے۔ شیڈول کے مطابق، ہر ٹیم ٹورنامنٹ میں ایک دوسرے کے خلاف دو دو میچز کھیلے گی، جس کے بعد 7 ستمبر کو پوائنٹس ٹیبل کی سرفہرست دو ٹیموں کے درمیان فائنل کھیلا جائے گا۔
مکمل شیڈول (مقام: شارجہ کرکٹ اسٹیڈیم)
اگست 29 – افغانستان بمقابلہ پاکستان
اگست30 – یو اے ای بمقابلہ پاکستان
ستمبر1 – یو اے ای بمقابلہ افغانستان
ستمبر2 – پاکستان بمقابلہ افغانستان
ستمبر4– پاکستان بمقابلہ یو اے ای
ستمبر5 – افغانستان بمقابلہ یو اے ای
ستمبر7 – فائنل
یہ سہ ملکی سیریز نہ صرف ایشیا کپ سے قبل تینوں ٹیموں کے لیے ایک قیمتی وارم اپ موقع ثابت ہوگی بلکہ نوجوان کھلاڑیوں کو بین الاقوامی سطح پر اپنی صلاحیتیں منوانے کا بہترین پلیٹ فارم بھی فراہم کرے گی۔
پاکستان اور افغانستان کے درمیان ماضی میں ہونے والے مقابلے ہمیشہ سے ہائی وولٹیج اور بھرپور جوش و خروش سے بھرپور رہے ہیں، جبکہ یو اے ای کی ٹیم اپنی ہوم گراؤنڈ پر اپ سیٹ کرنے کی بھرپور صلاحیت رکھتی ہے، جو اس سیریز کو مزید دلچسپ بنا دیتی ہے۔
