پاکستان اسٹاک ایکسچینج میں جمعرات کے روز بھی فروخت کا دباؤ برقرار رہا، جس کے نتیجے میں کاروبار کے دوران بینچ مارک کے ایس ای 100 انڈیکس میں نمایاں کمی ریکارڈ کی گئی اور مارکیٹ مندی کا شکار رہی۔
کاروباری سرگرمیوں کے دوران صبح 10 بج کر 50 منٹ تک کے اعداد و شمار کے مطابق کے ایس ای 100 انڈیکس 2.58 فیصد یا 4,275.83 پوائنٹس کی بڑی کمی کے بعد 161,548.04 پوائنٹس کی سطح پر آ گیا، جو سرمایہ کاروں کے محتاط رویے اور فروخت کے بڑھتے رجحان کی عکاسی کرتا ہے۔
مارکیٹ ماہرین کے مطابق مسلسل فروخت کے دباؤ اور غیر یقینی صورتحال کے باعث سرمایہ کار محتاط دکھائی دے رہے ہیں، جس کے نتیجے میں مارکیٹ میں منفی رجحان برقرار ہے اور انڈیکس میں مزید اتار چڑھاؤ کا امکان ظاہر کیا جا رہا ہے۔
