آئی سی سی نے چیمپئنز ٹرافی 2025 کیلئے ایمبیسیڈرز کا اعلان کردیا۔
انٹرنیشنل کرکٹ کونسل نے قومی کرکٹ ٹیم کے سابق کپتان سرفراز احمد کو چیمپیئنز ٹرافی 2025 کا ایمبیسیڈر مقرر کیاہے۔
بھارت کے سابق کھلاڑی شیکھر دھون اور نیوزی لینڈ کی ٹم ساؤتھی ایمبیسیڈرزمیں شامل ہیں، آسٹریلیا کے سابق آل راؤنڈر شین واٹسن بھی چیمپیئنز ٹرافی کے ایمبیسیڈر بن گئے ہیں۔
یاد رہے کہ چیمپئنز ٹرافی 2025 کاآغاز 19 فروری سے پاکستان میں ہوگا۔ چیمپئنز ٹرافی کے یہ میچز 19 فروری سے 9 مارچ 2025 تک پاکستان اور یو اے ای میں کھیلے جائیں گے۔ میچز کے میزبان شہروں میں کراچی، لاہور، راولپنڈی، اور دبئی شامل ہیں۔
اس موقع پر پاکستان کے سابق کپتان سرفراز احمد کہنا ہے کہ چیمپئنز ٹرافی کی جیت کا لمحہ میں کبھی نہیں بھول سکتا، 2017 کی چیمپئنز ٹرافی کی جیت کے بعد پوری قوم ہمارے ساتھ کھڑی تھی،چیمپئنز ٹرافی کی جیت کا جشن ہمیشہ میرے دل کے قریب رہے گا، کرکٹ کیلنڈر میں چیمپئنز ٹرافی کی واپسی اور اتنے سپیشل ایونٹ کی میزبانی پاکستان کو ملنے پر خوشی ہے، اس فارمیٹ کا مطلب ہے کہ اس میں ہر میچ اہم ہے، بطور ایمبیسیڈر اپنا رول ادا کرنے کیلئے بیتاب ہوں۔
بھارت کے سابق کھلاڑی شیکھر دھون نے کہا ہے چیمپئنز ٹرافی کا ایمبیسیڈر بننا میرے لیے ایک خاص احساس ہے۔اگلے چند ہفتوں میں دنیائے کرکٹ کی بہترین ٹیمیں وائٹ جیکٹ کے لیے مقابلہ کرتی نظر آئیں گی۔ نیوزی لینڈ کے ٹم ساؤتھی نےکہا ہےکہ بطور کھلاڑی اپ کو پتہہےوتا ہے کہ چیمپئنز ٹرافی میں ہر میچ، ہر گیند اہم ہوتا ہے جبکہ آسٹریلیا کے سابق آل راؤنڈر شین واٹسن نے کہا ہے کہ چیمپئنز ٹرافی ایک منفرد ایونٹ ہے جس نے ہمیں کئی یادگار لمحات دیے.
