متحدہ عرب امارات کے صدر محمد بن زاید النہیان نے سعودی عرب کے ولی عہد محمد بن سلمان سے ٹیلی فون پر رابطہ کیا جس میں خطے کی موجودہ صورتحال اور بڑھتی ہوئی کشیدگی پر تفصیلی تبادلہ خیال کیا گیا۔
رہنماؤں کے درمیان گفتگو کے دوران مشرقِ وسطیٰ میں بڑھتی ہوئی فوجی کشیدگی پر تشویش کا اظہار کیا گیا اور اس بات پر زور دیا گیا کہ خطے میں فوری طور پر کشیدگی کو کم کیا جائے تاکہ حالات مزید خراب نہ ہوں۔
دونوں رہنماؤں نے ایرانی حملوں کو عرب ممالک کی خودمختاری اور بین الاقوامی قوانین کی خلاف ورزی قرار دیتے ہوئے کہا کہ ایسے اقدامات خطے کے امن اور استحکام کے لیے خطرہ بن سکتے ہیں۔
اماراتی صدر اور سعودی ولی عہد نے اس بات پر بھی اتفاق کیا کہ موجودہ بحران کے حل کے لیے سنجیدہ مکالمے، سفارتی کوششوں اور پرامن ذرائع کو ترجیح دی جانی چاہیے تاکہ خطے میں امن برقرار رکھا جا سکے۔
