پاکستان اسٹاک ایکسچینج کی ہفتہ وار رپورٹ کے مطابق ایران اور امریکا کے درمیان جنگ بندی کے بعد حصص بازار میں نمایاں تیزی دیکھنے میں آئی، جہاں 100 انڈیکس میں ہفتے بھر کے دوران تقریباً 11 فیصد اضافہ ریکارڈ کیا گیا۔
کاروباری ہفتے کے اختتام پر 100 انڈیکس 16792 پوائنٹس کے اضافے کے ساتھ 167191 پوائنٹس کی سطح پر بند ہوا، جو سرمایہ کاروں کے بڑھتے ہوئے اعتماد کی عکاسی کرتا ہے۔
رپورٹ کے مطابق اس ہفتے کے دوران 100 انڈیکس 20518 پوائنٹس کے بینڈ میں رہا، جبکہ اس کی بلند ترین سطح 168290 اور کم ترین سطح 147771 پوائنٹس ریکارڈ کی گئی۔
حصص بازار میں ایک ہفتے کے دوران 3.3 ارب شیئرز کے سودے طے پائے، جن کی مجموعی مالیت 203.6 ارب روپے رہی، جو مارکیٹ میں سرگرمیوں کے تسلسل کو ظاہر کرتی ہے۔
تاہم مارکیٹ کیپٹلائزیشن میں کمی دیکھنے میں آئی اور یہ ہفتے کے دوران 1748 ارب روپے کم ہو کر 18473 ارب روپے کی سطح پر آ گئی۔
