محکمہ موسمیات کی جانب سے بتایا گیا ہے کہ رواں سال کا پہلا مکمل چاند گرہن کل ہوگا، جس کا آغاز کل پاکستانی وقت کے مطابق صبح 8 بج کر 57 منٹ پر ہوگا، جبکہ چاند کو مکمل گرہن صبح 11 بج کر 58 منٹ پر لگے گا اور اختتام 3 بجے ہوگا۔
محکمہ موسمیات کی رپورٹ کے مطابق چاند گرہن کے موقع پر آسمان پر سرخ رنگ کی روشنی پھیل جائے گی، یہ لگ بھگ 3 سال بعد پہلا چاند گرہن ہوگا، آخری بار 2022 میں ایسا چاند گرہن ہوا تھا، جسے تاریخ نے اپنے اوراق میں سمیٹ لیا ہے۔
ماہرین کے مطابق چاند گرہن دن کو ہونے کی وجہ سے پاکستان میں دیکھا نہیں جا سکے گا، جبکہ اس چاند گرہن کا نظارہ شمالی اور جنوبی امریکا میں کیا جا سکے گا۔ دوسری جانب رواں سال کا پہلا سورج گرہن 29 مارچ کو ہوگا، یہ بھِی پاکستان میں دکھائی نہیں دے گا۔
