واٹس ایپ آئی او ایس صارفین کیلئے نیا فیچر متعارف کروانے جارہی ہے

واٹس ایپ آئی او ایس صارفین کیلئے نیا فیچر متعارف کروانے جارہی ہے جس کہ بعد واٹس ایپ کے بیٹا صارفین نوٹیفیکیشن میں ہی ویڈیو کو دیکھ سکیں گے۔

واٹس ایپ بیٹا کے مطابق ابھی صرف میسج کو ہی نوٹیفیکیشن بار میں دیکھا جاسکتا ہے۔ مگر اس نئے اپ ڈیٹ کے بعد وڈیو کو بھی نوٹیفیکیشن بار میں دیکھا جا سکے گا۔

واٹس ایپ بیٹا نے ٹوئٹرپر ایک پیغا م جاری کرتے ہوئے کہا ہے کہ جن بیٹا صارفین کے پاس 2.18.102.5 ورثژن ہوگا وہ اس نئے فیچر کا استعمال کر سکیں گے۔

تاہم وہ صارفین جو اس فیچر کو استعمال نہیں کرناچاہتے وہ واٹس ایپ کی سیٹنگ میں جاکر اس کو بند کر سکتے ہیں۔

واضح رہے اس سے قبل کمپنی کی جانب سے آئی اوایس صارفین کیلئے فنگر پرنٹ فیچر متعارف کروانے کا اعلان کیا جاچکا ہے۔